Iãtz wird’s dann bald zwoi Jåhr, dass i immer widr ãmål was zum Grandlã fend. Då gits Dauerthemã, diã wo immer widr auftauchã und oinzelne Frågã, wo aufblitzã und vergonn. So ã Oizlthema wär zum Beischbiel d’r Hundsdreck z’Näãrle. Då håt se scheint’s was g’endert. Jedãfall sen die Riesãhaifã wenger woarã, wo i am Ãfang driebr grandlt hab. Diã warãt eigendlich der Ausleeser für diã „Kolumne“. So ã serieesã Zeidung wiã ooserã håt äbã doch å ãn Erziehungsauftrag ond frät se, wenn’s was ausricht.
Nördlingen